ئۇلۇنىش تورى [www.ulunix.com]


يىلانلارغا توي مۇراسىمى ئۆتكۈزۈپ بېرىلدى
يوللىغۇچى:[ئەزىمەتجان ئەنىۋەر] يوللانغان ۋاقتى:[2011-1-4] مەنبە:[]


مەنبە: news.xinhuanet.com

 



ئەنگلىيە «كۈندىلىك پوچتا گېزىتى» خەۋىرىگە ئاساسلانغاندا، كامبودژانىڭ كاندال ئۆلكىسىدىكى بىر كەنتتە ئالدىنقى كۈنى بىر مەيدان ئالاھىدە مۇراسىم: ئىككى يىلان ئۈچۈن باشقىچە توي مۇراسىمى ئۆتكۈزۈلدى.
خەۋەرلەردە دېيىلىشىچە، نەچچە يۈز كەنت ئاھالىسى توي مۇراسىمىغا يىغىلىپ، ئۇزۇنلىقى 4.8 مېتىر، ئېغىرلىقى 90 كىلوگىرام بولغان چىشى بوغما يىلان ۋە ئۇنىڭ ھەمراھى كىچكرەك بوغما يىلان بىلەن بولغان تويىغا گۇۋاھچى بولدى.
شۇ جايدىكى رەم سالغۇچى بوغما يىلاننى كەنتكە ئامەت ئېلىپ كەلگۈچى يىلان ئىلاھى دەپ قارايدۇ. بوغما يىلاننىڭ ئىگىسى مۇنداق دېدى: «بىز يامان ئىشلارنى قوغلاپ چىقىرىپ، كەنتكە ئامەت ئېلىپ كېلىش ئۈچۈن بوغما يىلانغا توي مۇراسىمى ئۆتكۈزۈپ بەردۇق».
بۇ توي مۇراسىمى ئىككى سائەت داۋاملاشتى، مۇراسىمدا كىشىلەر يىلانلارغا بەخت تىلىدى.
بۇ جايدىكى كىشىلەر بۇددا دىنىغا ئېتىقاد قىلىدىغان بولۇپ، ئۇلار روھ ۋە ھەر خىل ھاياتلىقلارغا ئىشىنىدۇ.

,
 
[ئالدىنقى بەت]_[كىيىنكى بەت ]  ھۆججەت جەمئى 1093 خەت 20000000خەت/بەت جەمئى 1بەت بۇ[ 1 ]- بەت تاللاش? 1 

[بۇ بەتنى تاقاش ]　　　　　[ئۈستىگە قايتىش]